मुंबई : कोरोना व्हायरसचा प्रार्दुभाव रोखण्यासाठी योग्य ते निर्बंध लावा, मात्र संपूर्ण लॉकडाऊन करू नका, अशी भूमिका उद्योगपती आनंद महिंद्रांनी मांडली होती. महिंद्रांच्या या मागणीनंतर मुख्यमंत्री उद्धव ठाकरेंनी जनतेशी संवाद साधताना नाव न घेता त्यांच्यावर निशाणा साधला होता. मात्र, आता उद्धव ठाकरेंनी निशाणा साधल्यानंतर आनंद महिंद्रांनी थेट त्यांच्या एका मागणीला पाठिंबा दिला आहे.
👍🏽👍🏽👍🏽 https://t.co/13wKSZkfiz
— anand mahindra (@anandmahindra) April 5, 2021
25 वर्षांपुढील सर्वांना कोरोना प्रतिबंधात्मक लस द्यावी अशी विनंती मुख्यमंत्री उद्धव ठाकरे यांनी पंतप्रधान नरेंद्र मोदी यांच्याकडे पत्राद्वारे केली आहे. त्यांच्या या मागणीला आनंद महिंद्रा यांनी देखील ट्विट करत पाठिंबा दिला आहे.
Thank you @CMOMaharashtra for not imposing a total lockdown. My heart goes out to shop owners who face continuing hardship. It’s now our responsibility to strictly follow Covid protocols so that these restrictions can be lifted sooner rather than later https://t.co/aphiwobiRy
— anand mahindra (@anandmahindra) April 5, 2021
याआधी देखील आनंद महिंद्रांनी संपूर्ण लॉकडाऊन न केल्याने मुख्यमंत्र्यांचे आभार मानले होते. लॉकडाउन लागू न केल्याबद्दल आभार मुख्यमंत्री कार्यालय…सतत संघर्ष करणाऱ्या छोट्या दुकानदारांसाठी मला वाईट वाटत राहतं. आता या करोनासंबंधित नियमांचं पालन करणं आपलं कर्तव्य आहे जेणेकरुन ही बंधनं लवकरात लवकर किंवा त्यानंतर मागे घेतली जातील, असे त्यांनी म्हटले होते.
दरम्यान, महिंद्रांनी लॉकडाऊनला विरोध केल्यानंतर जनतेशी संवाद साधताना मुख्यमंत्री ठाकरेंनी नाव न घेता त्यांच्यावर निशाणा साधला होता. मी त्यांचे नाव घेणार नाही, पण एका उद्योगपतीने सांगितले की, लॉकडाऊन करायचाय, तर आरोग्य सुविधा वाढवा. ते आपण करतोच आहोत. गेल्या वर्षभरात आपण आरोग्य सुविधा वाढवली, अजूनही वाढवतो आहोत. पण हे जे काही आपल्याला सल्ले देत आहेत, ज्या उद्योगपतींनी आरोग्य सुविधा वाढवायला सांगितले, त्यांना मी हात जोडून सांगू इच्छितो, की आरोग्य सुविधा आपण वाढवतोच. पण कृपा करुन रोज मला किमान 50 डॉक्टर, नर्सेस, कर्मचारी यांचा महाराष्ट्रात पुरवठा होईल, अशी काहीतरी सोय करा. कारण केवळ फर्निचरचे दुकान म्हणजे हॉस्पिटल नाही, असे मुख्यमंत्री म्हणाले होते.
